Тоғыз ай толғатқан Pfizer екпесінің құны әлі құпия – Алексей Цойдың уәдесі
Денсаулық сақтау министрі Алексей Цой Pfizer вакцинасын ақылы түрде салдырғысы келетіндерге қашан мүмкіндік туатынын және екпе құнын жақында жариялауға уәде берді.
Министрдің сөзінше, қазір сұранысты анықтау мақсатында Алматы, елорда және басқа да қалалардағы емханалар Pfizer вакцинасына ынталы азаматтардың тізімін жасап жатыр. Осыдан кейін ведомство елге қажет екпенің көлемін нақтыламақ.
«Вакцина бағасы туралы бұған дейін де әлі нақтыланып жатқаны айтылды. Pfizer компаниясымен ақылы вакцинация мүмкіндігі туралы келісеміз. Тап уақытын айта алмаймын, бірақ жуырда хабарлаймыз. Мәселе пысықталып-талқыланып жатыр» деді министр Алексей Цой «Алтын сапа» сыйлығы табысталған жиында.
Апта басында Алматы қаласының Қоғамдық денсаулық басқармасы басшысының орынбасары Лаура Мырзағали бірер күнде 3,2 мыңнан аса тұрғыны екпеге кезек алғанын хабарлады. Orda тілшісіне «вакцинаның бағасын екі күнде» анықтап беруге уәде еткен.
Осыған дейін жарияланған ресми ақпарат бойынша, биыл екпе алуды қалаған барлық азаматқа салынған 5 түрлі вакцинаға жалпы жиыны кемінде 95 млрд теңгеден аса қаражат бөлінген. Олар:
- Спутник V екпесі – 14 млн 280 мың дозаға 70 млрд 80 млн 926 мың теңге;
- QazVac вакцинасы – 3 млн дозаға 6 млрд 48 мың теңге;
- Coronavac еспесі – 500 мың дозаға 3 млрд 572 млн 535 мың теңге;
- Sinopharm екпесі – 4 млн дозаға 15 млрд 699 млн 248 мың теңге;
- Hayat-Vax вакцинасы – 1 млн дозаға 13 млрд 400 млн теңге.
Бірақ мыңдаған қазақстандық асыға күткен Pfizer екпесіне бөлінген қаржы әлі де жұмбақ күйде. Министрлік мемлекет қаржысынан алынған 4 млн 80 мың дозаның құнын уақыты келмейінше, айта алмайтынын бірнеше рет мәлімдеген. АҚШ-Германия екпесі әзірге тек жасөспірімдер, жүкті әйелдер мен бала емізетін аналарға салынады. Өзге әлеуметтік топтар ақылы негізде қол жеткізу жағын қарастырылып жатыр. Қазақстан Үкіметі мен компания арасындағы келіссөз биыл наурыз айында басталған.
Жаңалықтар
- АҚШ жер серіктеріне шабуыл жасау үшін ғарышқа қару орналастыруды жоспарлап отыр
- Қызылжардағы су басқан үйлердің 80 пайызға жуығы техникалық байқаудан өтті
- Алматыда 1 маусымға дейін Mass Alert сейсмикалық ескерту жүйесі енгізіледі
- Журналист жалаңаш бейнетүсірілімі үшін мемлекеттік органнан өтемақы өндірді
- Бішкекте шетелдіктерге қарсы наразылық күшейе түсті
- Қазақстан бүгін АҚШ құрамасымен хоккейден әлем чемпионатында кездеседі
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады