Тоқаевтың тапсырмасы бойынша Қазақстан-Қытай шекарасында тексеру жүргізіліп жатыр

Президенттің тапсырмасы бойынша Қазақстан-Қытай шекарасында тексеру жүргізіліп жатыр. Бұл туралы Қаржы министрлігінің Мемлекеттік кірістер комитеті хабарлады.

Тексеруді Бас прокуратура, Қаржы мониторингі агенттігі және Қаржы министрлігі өкілдерінен арнайы құрылған жұмыс тобы жүргізеді.

Тек уәкілетті экономикалық оператор мәртебесі бар импорттаушылар тексеріледі. Осы тексерулердің қорытындысы бойынша заңға сәйкес шаралар қабылданатын болады. Комитет тексеру тауарларды кедендік шекара арқылы заңды өткізуге кедергі келтірмейтінін және адал кәсіпкерлік сыртқы экономикалық қызметті шектеусіз жүзеге асыратынын атап көрсетеді.

Жалпы алғанда, 2021 жылы нарықта Қытайдан тауарлар импорттаған 7 241 сыртқы сауда қатысушысы болды, оның ішінде 17-і ДББҰ мәртебесіне ие және олар импорттың 18 пайызын құрады. Бес уәкілетті оператор өңдеуші секторға, екеуі – квазимемлекеттік секторға («Қазпочта» АҚ және «ҚТЖ» АҚ еншілес ұйымы – «KTZ Express» АҚ) жатады.

Атап айтқанда, «KTZ Express» АҚ сонымен қатар кедендік өкіл және халықаралық экспедитор болып табылады, Қазақстан-Қытай шекарасында жеке инфрақұрылымы бар. Ол Орталық Азиядағы ең ірі құрғақ порт KTZE-Khorgos Gateway-ді басқарады, сонымен қатар KIF Warehouses А класындағы қоймаларға ие.

Жалпы, Қазақстан-Қытай шекарасындағы өткізу пункттері және басқа да тауарларды кедендік рәсімдеу орындары белгіленген жұмыс режиміне сәйкес жұмысын жалғастыруда.