Тоқаевтың ШЫҰ мемлекеттері басшыларымен кездесуінен суреттер жарияланды

Мемлекет басшысының баспасөз хатшысы Берік Уәли Facebook-тегі ресми парақшасында Душанбедегі бейресми кездесуден ел басшыларының  суреттерін жария етті.

Берік Уәли Шанхай ынтымақтастық ұйымына мүше мемлекеттер басшыларының Душанбедегі бейресми кездесуінен суреттер ұсынды. Суреттен Қасым-Жомарт Тоқаевты, Эмомали Рахмонды, Садыр Жапаровты, Никол Пашинянды байқауға болады.

Бұған дейін Қазақстан президенті Шанхай ынтымақтастық ұйымына мүше мемлекеттер басшылары кеңесінің отырысына қатысқаны айтылған.

  Мемлекет басшысы биыл ұйым үшін ерекше жыл екенін және осыдан жиырма жыл бұрын тарихи қадам жасалғанын, яғни ШЫҰ-ны құру туралы Декларация қабылданғанын атап өтті. Шанхай Ынтымақтастық Ұйымына мүше мемлекеттер басшылары кеңесі отырысында Қазақстан президенті Қасым-Жомарт Тоқаев ШЫҰ мемлекеттерінде вакцинация төлқұжаттарын өзара мойындау рәсімін жеделдетудің маңыздылығын айтты.