Тоқаевтың немере інісі «ҚазАгроҚаржы» директорлар кеңесінің басшысы қызметінен кетті

Қазақстан президенті Қасым-Жомарт Тоқаевтың немере інісі Қаныш Ізбастин енді «ҚазАгроҚаржы» директорлар кеңесінің басшысы қызметін атқармайды.

Еске салсақ, бұған дейін ол «Бәйтерек» ұлттық холдингінен кеткен болатын.

Холдинг сайтында 2022 жылдың 14 қаңтарынан бастап Ізбастин қоғамдық жұмысқа ауысуына байланысты өз өтініші бойынша қызметінен босатылғаны хабарланды.

Әлеуметтік желілерде олар Ізбастиннің этикалық себептермен кеткенін жазып жатыр. Бұл ретте Қаныш Ізбастин Қазақстан президенті Қасым-Жомарт Тоқаевтың немере інісі екені белгілі.

Ашық дереккөзге сүйенсек, оның анасы Ізбастин Қарлыға Кемелқызы президенттің әпкесі. Ал әкесі Теміртай Ізбастин Қазақстанның Болгариядағы елшісі.

«ҚазАгроҚаржы» АҚ миссиясы – жоғары сапалы және бәсекеге қабілетті лизингтік қызметтерді көрсету арқылы Қазақстан Республикасының ауыл шаруашылығы техникасы мен жабдықтарын жаңартуға жәрдемдесу.

Енгізілген өзгерістерді ескере отырып, «ҚазАгроҚаржы» АҚ директорлар кеңесі бес адамнан тұратын болды: А.К.Жуанышбаева., А.Е.Мурзағалиева., С.Н.Мәдиев., Р.С.Оразбаев., А.Г.Прашев.