Тоқаевты марапаттау жоспарда болған жоқ – Песков

Саясаттанушы Ербол Еділов президент Қасым-Жомарт Тоқаевтың 17 маусымда Петербург экономикалық форумында Александр Невский орденінен бас тартқаны туралы айтты.

Ресейлік тарап Қасым-Жомарт Тоқаевты «Александр Невский» орденімен марапаттауды ұсынған.

– Мемлекет басшысы көрсетілген құрмет үшін алғыс айтты. Алайда, ол президенттік өкілеттігі аяқталғанға дейін отандық және шетелдік марапаттарды қабылдамайтынын жеткізді. Дәл осы себеппен президент таяудағы Бішкекке сапары кезінде Қырғызстанның бірінші дәрежелі «Манас» жоғары орденінен бас тартқан, — делінген хабарламада.

Бұл ақпаратты ҚР Президентінің баспасөз хатшысы Руслан Желдібай растады. Бірақ Ресей президентінің баспасөз хатшысы Дмитрий Песков Тоқаевтың «Невский» орденінен бас тартқаны туралы мәліметті жоққа шығарды.

— Мен бұл ақпараттың қайдан шыққанын білмеймін, өйткені ешқандай марапаттау жоспарланбаған. Мұндай жоспар болған жоқ, — деді ол «Подъем» басылымына берген сұхбатында.