Тоқаевтың Мәскеу жатақханасындағы суреті жарияланды

Ақорданың баспасөз қызметінің «БОРТ N1» Telegram арнасы президент Қасым-Жомарт Тоқаевтың студенттік кезіндегі мұрағаттық суретін жариялады.

– Президент студенттік кезінен газет-журналдарды көп оқиды. Мәскеу, МГИМО жатақханасы, 1975 жыл, - деп жазылған суреттің астына.

Ақорданың баспасөз қызметі де Мемлекет басшысының жуырда берген сұхбатынан үзінді келтіреді.

– Мен үнемі баспасөз беттерін ақтарамын. Бұл менің ескі әдетім... Жалпы, мен көп оқимын. Егер басылым өзекті мәселе көтерсе, нақты тапсырмалар беремін, - деді Тоқаев 2022 жылғы 17 ақпанда берген сұхбатында.