Тоқаев жылыту жүйесіндегі апаттармен күресуді тапсырды

Тоқаев Қазақстандағы жылу электр орталығындағы апаттардың көбеюімен күресуді тапсырды.

Президент  5 сәуірде өткен кеңесте Энергетика министрі Болат Ақшолақовқа осындай тапсырма берді.

Қасым-Жомарт Тоқаев 20 наурызда Петропавлдағы ЖЭО-2-де болған апатты атап өтті. Сол кезде құбырдың опырылуы салдарынан кәсіпорынның қазандығы зақымдалып, бір жұмысшы үйінді астында қаза тапты.

Бірнеше күннен кейін Степногорск қаласындағы жылу электр орталығында апат болды. Қала тұрғындары үйлерінде ыстық сусыз, жылусыз қалды.

 Естеріңізге сала кетсек, бұл туралы ҚР Энергетика министрлігі  баспасөз қызметі төмендегідей хабарлама таратқан болатын:

«26 наурызда сағат 21.30-да Петропавл 2-ЖЭО-да теріс температураның (-13 С) әсерінен ашық жылу тізбегінен импульстік құбырлар қатып қалды. Себеп  – 20 наурызда болған мұржаның құлауына байланысты цехтағы қысым мен сыртқы ауа температурасының төмендеуі. Бұл 3 қазандықтың жұмысын тоқтатты. Қазіргі уақытта импульстік құбырлар жылытылды, ЖЭО-2-де 3 қазандық жұмыс істеп тұр, 4-ші қазандықты жағу басталды, жақын арада 5-ші қазандық қондырғысы пайдалануға беріледі».