Тоқаев: зейнетақы қорындағы артық ақшаны пайдалану Ережесіне өзгерістер енгізіледі

Президент атап өткен түзетулер қазақстандықтарға тұрғын үй сатып алу үшін Отбасы банкіндегі шотқа ақша аударуға мүмкіндік береді.

— Қазақстанда тұрғын үй кешенді бағдарламасы әзірленеді, оның әкімшісі «Отбасы» банк болады. Банк ұлттық даму институтына айналуда және оның алдында «бір терезе» қағидаты бойынша азаматтар арасында тұрғын үйді есепке алу мен бөлуді қамтамасыз ету міндеті тұр, - деді ел президент Қасым-Жомарт Тоқаевтың халыққа Жолдауында.

Мемлекет басшысы 1 қыркүйекте Парламент палаталарының бірлескен отырысында осы мәселеге тоқталып өтті. Президент зейнетақы жинақтарын мерзімінен бұрын қолдану бастамасы оң әсер беретіндігне сенімді.

Сонымен қатар Тоқаев Отбасы банк шотына зейнетақы қорындағы жеткіліктілік шегінен жоғары қаржыны аударуға рұқсат беру қажет деп санайтындығын айтты.

— Бұл сондай-ақ халықтың ақша жинау әдетіне, оларды сауатты түрде игеруге септігін тигізеді, - деді Тоқаев.

2 қыркүйекте Үкімет отырысында Елбасы Жолдауының орындалуы талқыланды. Кездесуде ҚР Индустрия және инфрақұрылымдық даму министрі Бейбіт Атамқұлов Отбасы банк ипотекалық бағдарламалар аясында кезекте тұрғандар үшін бастапқы төлем тұрғын үй құнының 10% -ына дейін төмендетілетінін мәлімдеді. Жеңілдетілген несие мөлшерлемесі отбасының табысына байланысты жылдық 2% және 5% болатындығын мәлімдеді.

— Зейнетақы жинақтарын тұрғын үй жағдайын жақсарту үшін пайдалану Ережесі жинақтың жеткіліктілік шегінен асатын жинақтың бір бөлігін кейіннен тұрғын үй сатып алу үшін Отбасы банкіндегі шотқа аударуға мүмкіндік беретін өзгертулер енгізіледі, - деді Бейбіт Атамқұлов.

Ал Отбасы банк президенттің бұл бастамасы бірінші кезекте қазақстандық жастардың тұрғын үйге тезірек ие болуына септігін тигізетінін атап өтті.

— Қазір Қазақстанда жыл сайын 120 мыңға жуық жас отбасы құрылады. Алғашқы жылдары ерлі -зайыптыларға жеке пәтер немесе үйге қаржы жинау оңай емес. Оларды қолдау қажет. Ал Мемлекет басшысының бастамасы – дер кезінде көтерілген. Бұл қазақстандықтарға Отбасы банк -те ақша жинау мерзімін іс жүзінде екі есе қысқартуға және қоныс тойын әлдеқайда ертерек тойлауға мүмкіндік береді. Біздің болжауымызша, бұл мүмкіндікті бір жыл ішінде 190 мыңға жуық жас отбасы пайдалана алады. Жыл сайын тағы 15 мың отбасы депозит ашады, - деді банктің басқарма төрағасы Ләззат Ибрагимова.

Orda.kz   редакциясы өз тарапынан биылғы 7 қыркүйекке дейін Жолдауды іске асырудың Ұлттық жоспары дайындалып, Қазақстан Республикасы Президентінің бекітуіне ұсынылуы тиіс екенін естеріңзге салады.