Тоқаев Өзбекстан президентін Қазақстанға шақырды

Мемлекет басшысы Қасым-Жомарт Тоқаев Өзбекстан президенті Шавкат Мирзиеевпен телефон арқылы сөйлесті.

Әңгіме барысында екі елдің президенттері Қазақстан мен Өзбекстан арасындағы стратегиялық әріптестікті одан әрі дамыту мәселелері бойынша жан-жақты пікір алмасты.

Төмендегі тақырыптарға басымдық берілді:

• Сауда-экономикалық ынтымақтастықты дамытуға;
• инвестициялық ынтымақтастықты нығайтуға;
• өнеркәсіп, машина жасау, көлік-логистика, ауыл шаруашылығы салаларындағы бірлескен жобаларды жүзеге асыруға.

Тоқаев Өзбекстан президентін 2021 жылдың соңына дейін Қазақстанға келуге шақырды.