Тоқаев Украинадағы жағдайға қатысты шұғыл жиын өткізді

Мемлекет басшысы Қауіпсіздік Кеңесінің шұғыл жиынын өткізіп, Украинадағы жағдайларға байланысты Қазақстанның одан әрі әлеуметтік-экономикалық даму мәселелері қарастырылды. Бұл туралы Ақорданың ресми сайты хабарлады.

Президент Әлихан Смайыловтың, Ұлттық Банк төрағасы Ғалымжан Пірматовтың, премьер-министрдің орынбасары – Сыртқы істер министрі Мұхтар Тілеубердінің, Қорғаныс министрі Руслан Жақсылықовтың және басқа да ведомство басшыларының баяндамаларын тыңдады.

Президент әскери-саяси және санкциялық текетірестердің нәтижесінде ушығуы мүмкін халықаралық ахуалға шұғыл әрекет ету үшін дағдарысқа қарсы жедел шаралар жоспарын қабылдау қажет екенін айтты.

Сондай-ақ, Қасым-Жомарт Тоқаев ықтимал экономикалық қауіп пен өзге де қатерлердің алдын алу жөнінде бірқатар нақты тапсырма берді.