Тоқаев Украина төңірегіндегі жағдайды жіті бақылап отыр – Берік Уәли

Мемлекет басшысы Қасым-Жомарт Тоқаев Украина төңірегіндегі жағдайды жіті бақылап отыр. Бұл туралы президенттің баспасөз хатшысы Берік Уәли мәлімдеді.

– Әрине, президент Украина төңірегіндегі жағдайды жіті бақылап отыр. Бұл мәселе Владимир Путинмен өткен кездесуде талқыланды. Мемлекет басшысы келіссөз қорытындысы бойынша «жақсы жанжалдан, жаман болса да бітім артық» екенін айтты. Басқаша айтқанда, ымыраға келу үшін нәтижелі дипломатиялық келіссөздердің жалғасқанын жақтайды. Президенттің айтуынша, еуразиялық қауіпсіздіктің бөлінбеушілік қағидатын ұстанған жөн, оның үстіне бұл қағидат 2010 жылы қабылданған ЕҚЫҰ-ның Астана декларациясы мәтініне де енгізілген, – деді Берік Уәли.

Айта кетейік, 10-11 ақпанда Тоқаев Мәскеу мен Қазан қалаларына жұмыс сапарымен барып, Владимир Путинмен келіссөз жүргізді.