Тоқаев Украина мен Ресейге қатысты пікір білдірді

Қасым-Жомарт Тоқаев Украина мен Ресей арасындағы жағдайдың ушыққанын айтып, екі елді келіссөз үстеліне отыруға шақырды.

Мемлекет басшысының айтуынша, бейбітшілік болмаған жерде даму болмайды. Сондай-ақ, екі ел арасындағы татулықты қалпына келтіру үшін Қазақстанның көмек көрсетуге дайын екенін мәлімдеді.

– Біздің ұстаным мемлекетіміздің қажеттілігін, егемендігі мен аумақтық тұтастығын қамтамасыз етудің сыни тұрғысынан шығуы керек. Біз еуразиялық қауіпсіздік қағидатын ұстанамыз. Бөлінбеушілік принципі өзара сенімге негізделген. Өкінішке қарай, бұлай болмады, Минск келісімдері қағаз жүзінде қалды, бұл Украина аумағындағы әскери операцияларға әкелді. Геосаяси жағдай бұрын-соңды болмаған дәрежеде ушығып кетті.

– Біз екі мемлекетті келіссөз үстелінде ортақ тіл табуға, келісімге келуге шақырамыз. Басқа амал жоқ. Жақсы жанжалдан жаман татулық артық. Бейбітшілік болмаса, даму да болмайды. Қазақстан өз тарапынан қажет болған жағдайда делдалдық қызметтерді қоса алғанда, барлық көмек түрлерін көрсетуге дайын, - деді мемлекет басшысы.