Тоқаевтың Тәжікстанға баратын уақыты белгілі болды

Ағымдағы жылдың 19-20 мамырында Президент Қасым-Жомарт Тоқаев Эмомали Рахмонның шақыруымен Тәжікстанға ресми сапармен барады.

Бұл туралы Orda.kz мемлекет басшысының баспасөз хатшысы Берік Уәлидің Facebook парақшасына сілтеме жасап хабарлады.

Осылайша, екі мемлекет басшыларының кеңейтілген форматтағы кездесуі жоспарланды.

– Келіссөздердің күн тәртібіне саяси диалогты одан әрі өрбітуге, сауда-экономикалық, инвестициялық және мәдени-гуманитарлық ынтымақтастықты нығайтуға баса назар аудара отырып, қазақ-тәжік стратегиялық серіктестігін дамыту кіреді, - деді Берік Уәли.

Аймақтық ынтымақтастықты арттыруға, Орталық Азиядағы тұрақтылық пен қауіпсіздікті қамтамасыз етуге ерекше назар аударылатын болады.