Тоқаев Түймебаевты қызметінен босатты

Қасым-Жомарт Тоқаев Жансейіт Түймебаевты Қазақстан халқы Ассамблеясы төрағасының орынбасары қызметінен ресми түрде босататын құжатқа қол қойды, деп хабарлады Ақорда.

«Мемлекет басшысының Өкімімен Түймебаев Жансейіт Қансейітұлы Қазақстан халқы Ассамблеясы Төрағасының орынбасары, Республика Президенті Әкімшілігінің Қазақстан халқы Ассамблеясы хатшылығының меңгерушісі қызметінен босатылды», - делінген Ақорда хабарламасында.

5 ақпанда Қазақстан халқы Ассамблеясының экс-басшысын ҚазҰУ-дың ректоры етіп тағайындау туралы шешім қабылданды.

Оның жаңа жұмыс орнына ресми «көшуі» Білім және ғылым министрлігінің бұйрығы шыққан кезде «бір аптаға жуық» күтілген.