Тоқаев сынаған Солтүстік Қазақстан аудандарына жаңа әкімдер тағайындалды

Президентіміздің сынынан кейін орнынан кеткен  Солтүстік Қазақстан облысындағы Айыртау және Есіл аудандарына жаңа әкімдер тағайындалды.

Бұл туралы Orda.kz.  Солтүстік Қазақстан облысы әкімдігінің ресми сайтына  сілтей отырып, хабарлайды. Ерболат Мұратұлы Бекшенов Айыртау ауданына, ал  Есіл ауданының әкімі болып Медет Дулатұлы Оспанов тағайындалды.

Ерболат Бекшенов 1973 жылы туған, Орталық Азия университетiн экономист мамандығы бойынша бiтiрген. Бұған дейін әртүрлі қызметтер атқарған Бекшеновтың соңғы жұмысы - Солтүстік Қазақстан облыстық ауыл шаруашылығы басқармасының басшысы.

Медет Дулатұлы Оспанов 1985 жылы Солтүстік Қазақстан облысы Шал ақын ауданы Жаңасу ауылында дүниеге келген. 2006 жылы М. Қозыбаев атындағы Солтүстік Қазақстан мемлекеттік университетін, 2009 жылы Қазақстан-Ресей университетін бітірген. Ол аталған тағайындауға дейін облыстық кәсіпкерлік және индустриялық-инновациялық даму басқармасының басшысы болып еңбек еткен.