Тоқаев субсидиялауға қатысты жемқорлық мәселесін тексеруді тапсырды

Президент Қасым-Жомарт Тоқаев субсидиялауға қатысты сыбайлас жемқорлыққа қарсы іс-қимыл ведомствосының басшысы Марат Ахметжановқа нақты тапсырма берді.

Бұл туралы Orda.kz Ақорда ресми сайтына сілтеме жасап хабарлайды.

Субсидиялау мәселесіне қатысты сыбайлас жемқорлық пен ақша жымқыру фактілері бойынша Марат Ахметжанов егжей-тегжейлі баяндап берді.

– Фактілер, әрине, өте ауыр. Мемлекетке миллиардтап шығын келтіріп отыр. Тергеуді сапалы өткізу маңызды екенін тағы да ескертемін. Сіз айтқан тәжірибе бірнеше жылдар бойы орын алып отырғанын атап өткен жөн. Бұл кеше туындаған мәселе емес. Сондықтан сізге тергеу жұмыстарын одан әрі жоғары деңгейде жүргізуді тапсырамын. Барлық жауапты тұлғаны жазалау керек. Түптеп келгенде, түрмелерде орын жеткілікті, – деп ескертті Президент.