Тоқаев әскерилердің  қызметі мен тұрғын үй қатынастары бойынша түзетулерге қол қойды

Қазақстан президенті Қасым-Жомарт Тоқаев күш құрылымдарының әскери қызметі және тұрғын үй қатынастары мәселелері бойынша өзгерістерге қол қойды, деп хабарлайды Ақорданың баспасөз қызметі.

«Мемлекет басшысы «Қазақстан Республикасының кейбір заңнамалық актілеріне әскери қызмет және арнаулы мемлекеттік органдар қызметкерлері мен әскери қызметшілердің тұрғын үй қатынастары мәселелері бойынша өзгерістер мен толықтырулар енгізу туралы» Қазақстан Республикасының заңына қол қойды» делінген хабарламада.

Заң әскери қызметшілер мен арнаулы мемлекеттік органдар қызметкерлерін әлеуметтік қамсыздандыруды жақсартады, олқылықтар мен қайшылықтар туындаған әскери қызмет мәселелерін реттейді. Заң жобасы үш заңға өзгерістер енгізуді көздейді.

 «Тұрғын үй қатынастары туралы» заң біріншіден, қызметтік тұрғын үйді жекешелендіру құқығын беруді, ақшалай өтемақы алуды және қайтыс болған арнаулы орган қызметкері мен әскери қызметкердің отбасы мүшелерін айырбастау құқығын пайдалануды қарастырады; екіншіден, қызметтік тұрғын үйлерді қалдық құны бойынша немесе өтеусіз жекешелендіру; үшіншіден, қосарлы тұрғын үй жағдайларын шектеу.

Сондай-ақ,  «Әскери қызмет және әскери қызметшілердің мәртебесі туралы» Заңда: әскери қызметшілердің құқықтары мен міндеттерін кеңейту – арнайы мемлекеттік органдардың қызметкерлеріне ұқсас әскери қызметшілерге құқықтар мен міндеттерді беру ұсынылады; аттестациялау кезінде полиграфологиялық зерттеу жүргізу; әскери қызметшi қызметтен босатылған күннен бастап және ол қызметке қайта қабылданған күнге дейiн үш айдан аспайтын уақыт өтсе, әскери қызметтiң үздiксiздiгiн белгiлеу.

Жаңа заң әскери қызметшілер мен арнаулы мемлекеттік органдар қызметкерлерін әлеуметтік қамсыздандыруды жақсартады, олқылықтар мен қайшылықтар туындаған әскери қызмет мәселелерін реттейді деп күтілуде.