Тоқаев әскери қызметке шақыру туралы жарлыққа қол қойды

Президент Қасым-Жомарт Тоқаев «Әскери қызметтің белгіленген мерзімін өтеген әскери қызметшілерді қызметінен босату және 2021 жылғы наурыз-шілде және қыркүйек-желтоқсан айларында Қазақстан Республикасы азаматтарын мерзімді әскери қызметке кезекті шақыру туралы» жарлыққа қол қойды, деп хабарлайды ORDA Ақорда сайтына сілтеме жасап.

« 1. Әскери қызметтің белгіленген мерзімін өткерген мерзімді әскери қызметтегі әскери қызметшілер 2021 жылдың наурыз – шілдесінде және қыркүйек – желтоқсанында Қазақстан Республикасының Қарулы Күштері, Қазақстан Республикасының Ішкі істер министрлігі, Қазақстан Республикасының Төтенше жағдайлар министрлігі, Қазақстан Республикасының Ұлттық қауіпсіздік комитеті, Қазақстан Республикасының Мемлекеттік күзет қызметі қатарынан запасқа шығарылсын.

2. Әскерге шақыруды кейінге қалдыруға немесе одан босатылуға құқығы жоқ он сегіз жастан жиырма жеті жасқа дейінгі ер азаматтар 2021 жылдың наурыз – шілдесінде және қыркүйек – желтоқсанында Қазақстан Республикасының Қарулы Күштеріне, Қазақстан Республикасының Ішкі істер министрлігіне, Қазақстан Республикасының Төтенше жағдайлар министрлігіне, Қазақстан Республикасының Ұлттық қауіпсіздік комитетіне, Қазақстан Республикасының Мемлекеттік күзет қызметіне мерзімді әскери қызметке шақырылсын.

3. Жергілікті атқарушы органдар тиісті жергілікті әскери басқару органдары арқылы 2021 жылдың наурыз – шілдесінде және қыркүйек – желтоқсанында азаматтарды мерзімді әскери қызметке шақыруды жүргізуді ұйымдастырсын және қамтамасыз етсін.

4. Қазақстан Республикасының Үкіметі, Қазақстан Республикасының Ұлттық қауіпсіздік комитеті, Қазақстан Республикасының Мемлекеттік күзет қызметі мерзімді әскери қызметті өткеру үшін Қазақстан Республикасының Қарулы Күштеріне, Қазақстан Республикасының Ішкі істер министрлігіне, Қазақстан Республикасының Төтенше жағдайлар министрлігіне, Қазақстан Республикасының Ұлттық қауіпсіздік комитетіне, Қазақстан Республикасының Мемлекеттік күзет қызметіне әскерге шақырылған Қазақстан Республикасының азаматтарын жөнелтуді және мерзімді әскери қызметтің белгіленген мерзімдерін өткерген әскери қызметшілерді шығаруды қаржылай және материалдық қамтамасыз етуді ұйымдастырсын.

5. Осы Жарлық алғашқы ресми жарияланған күнінен бастап қолданысқа енгізіледі», - делінген жарлықта.

Жергілікті атқарушы органдар азаматтарды мерзімді әскери қызметке шақыруды 2021 жылдың наурыз-шілде және қыркүйек-желтоқсан айларында тиісті жергілікті әскери басқару органдары арқылы ұйымдастыруды және қамтамасыз етуі керек.

Үкіметке, Ұлттық қауіпсіздік комитетіне, Қазақстан Республикасының Мемлекеттік қауіпсіздік қызметіне мерзімді әскери қызметке шақырылған азаматтарды жөнелтуге, белгіленген мерзімде қызмет еткен әскери қызметшілерді жұмыстан шығаруға қаржылық және материалдық қолдауды ұйымдастыру тапсырылды.