Тоқаев шетелге заңсыз шығарылған ақшаны қайтару үшін үкіметке тапсырма берді

Президент Қасым-Жомарт Тоқаев үкіметке шетелге заңсыз шығарылған ақшаны қайтару бойынша ұсыныстар әзірлеуді тапсырды.

Тапсырманы орындауға үкіметтің екі ай уақыты бар.

– Үкіметке шетелге заңсыз әкетілген қаржы қаражаты мен онда сатып алынған активтерді елге қайтару жөнінде ұсыныстар беруді екі ай ішінде орындау тапсырылады. (…) Адал еңбек, әділ сыйақы идеологиясы компрадорлардың (шетелдік капитал мен дамушы елдің ұлттық нарығы арасында делдал болатын кәсіпкер) дүниетанымын алмастыруы керек. Бұл-билік пен қоғамның ортақ міндеті, ол әлеуметтік-экономикалық аспектілерді, мемлекеттік саясат, ұлттық бірегейлік және жастарды тәрбиелеу мәселелерін қозғайды, - деді Тоқаев үкіметтің кеңейтілген отырысында.

Президент бизнестен салықтық адалдық, әлеуметтік жауапкершілік талап етілетінін атап өтті.

– Бұл тәсілдің бір көрінісі - «Қазақстан халқына» берілетін қайырымдылық. Мен бұрын айтқанмын, бүгін қайталап айтамын, оның қалыптасуы негізінен ірі ұлттық буржуазия есебінен жүруі тиіс, дегенмен, әрине, басқа компаниялардың, оның ішінде шетелдік инвесторлардың жарналары құпталады. Тағы да атап өтемін: бұл мәжбүрлеу емес. Ал табысты компаниялар мен азаматтарға жалпыұлттық мақсаттарға қаражат беру мүмкіндігі, - деді ол.