Тоқаев: Шетелдіктерге заң бойынша жер сатылмайды

Шетелдіктерге жерді сатуға біржола тыйым салғаны жөнінде мемлекет басшысы Қасым-Жомарт Тоқаев Ұлттық қоғамдық сенім кеңесінің 5-отырысында айтты.

Президен халқымыз үшін жер мәселесі қашанда аса маңызды екенін жеткізді.

- Бұл – мемлекеттігіміздің берік негізі және қасиетті символы. Қазақтың жері шетелдіктерге сатылмайды деп бірнеше рет айттым. Бұл мәселеге қатысты қауесеттерді тоқтату қажет.

Сондықтан, мен мынадай нақты шешімдер қабылдадым. Біріншіден, шетелдіктерге және шетелдік заңды тұлғаларға ауыл шаруашылығы жерлерін сатуға, жалға беруге заң жүзінде біржола тыйым салуды тапсырамын.

Бұл шетелдіктердің үлесі бар заңды тұлғаларға да қатысты, - деді Қасым-Жомарт Тоқаев.