Тоқаев шерушілерге: еліміздің тұтастығына сызат түсіретін үндеуге құлақ аспауға шақырамын

Қазақстан президенті Қасым-Жомарт Тоқаев демонстранттарға үндеу жолдады.

«Үкімет өз өкілеттігінің аясында елдегі тұрақтылықты қамтамасыз ету мақсатымен Маңғыстау облысында сұйытылған газ бағасының әр литрін 50 теңгеге дейін төмендету туралы шешім қабылдады.

Демонстранттарды еліміздің тұтастығы мен бірлігіне сызат түсіруді көздейтін деструктивті топтардың үндеуіне құлақ аспауға шақырамын. Басқа да әлеуметтік-экономикалық талаптар ертеңгі елордада өтетін кеңес барысында жеке қарастырылады» деп жазды президент Twitter-де.

Демонстранттарды еліміздің тұтастығы мен бірлігіне сызат түсіруді көздейтін деструктивті топтардың үндеуіне құлақ аспауға шақырамын. Басқа да әлеуметтік-экономикалық талаптар ертеңгі елордада өтетін кеңес барысында жеке қарастырылады.

— Qasym-Jomart Toqayev (@TokayevKZ) January 4, 2022

Бұған дейін хабарланғандай, 2 қаңтарда Жаңаөзен тұрғындары сұйытылған газ бағасын төмендету туралы талаппен көшеге шықты. Кейін акция Ақтау көшелерінде де тіркелді. Шерушілер жолдарды жауып тастады.