Тоқаев ҰҚШҰ Қазақстаннан екі күнде шығарылатынын айтты

Бүгін Қазастан президенті Қасым-Жомарт Тоқаев Мәжіліс отырысында сөз сөйледі.

Ол қазір қолға алынып келе жатқан басты дүниелермен бөлісті:

• ҰҚК қауіп-қатерді көрген жоқ. Террорлық шабуылдар бірнеше жылдан бері дайындалып келген
• Кәсіпқойлар билікті басып алуға дайындық жұмыстарын жүргізді, Алматыны бақылаудан айрылып қалуымыз мүмкін еді
• Төңкеріс әрекеті сәтсіз аяқталды. Қалалар мүмкіндігінше тез қалпына келтіріледі. Бұл менің жеке жауапкершілігім
• «Зұлмат күндер артта қалды». Президент полиция мен әскери қызметкерлерге алғысын білдірді
• Бірқатар қалаларда ҰҚК бөлімшелерінің басшылары қару-жарақ пен құпия құжаттаманы қалдырып, қызметтік ғимараттарды тастап кеткен.
• Антитеррорлық операцияны аяқтау керек. Қиын кездер өтті, жағдай тұрақты.
• ҰҚШҰ бітімгершілік күштерінің негізгі миссиясы аяқталды. Контингентті шығару екі күннен кейін басталады.
• Бізге шабуылдардың артында тұрғандармен күресу керек. Қазіргі уақытта құзырлы органдар қажетті тергеу шараларын жүргізіп жатыр.

Сондай-ақ, президент төңкерістің артында кім тұрғанын әлі де анықтау керектігін айтып, қару-жарақтарды болашақта бақылауға алып, ішкі көші-қонды реттеу керектігін алға тартты.

Айта кетсек, бүгін Мәжіліс отырысында ҚР премьер-министрі Асқар Маминнің орнына Әлихан Смайылов тағайындалды.