Тоқаев Путиннің арқасында билігін күшейтті – ресейлік басылым

Ресейлік басылымдар қазақ билігі ЛХР мен ДХР-ді мойындамағанына наразы. ҚР СІМ Мұхтар Тілеуберді еліміз ЛХР мен ДХР-ді мойындауды жоспарламайтынын айтқан. Бүгін мұны ҚР Парламенті Сенатының спикері Мәулен Әшімбаев растады.

Ресейлік «Новая газета» басылымы Қазақстанның көпвекторлы саясатын, бейбітшілікті ту еткен ұстанымын сынай келе былай жазады:

«Қазақстан ешкіммен ұрысқысы келмейтін саясатына басып, көпвекторлы ұстанымына салып отыр. Ешкім сепаратистік респуликаларды мойындауды сұраған жоқ. Бірақ Қазақстандағы қаңтар айындағы жағдайларды ресей әскері бастаған ҰҚШҰ бітімгерлері басып, Тоқаевтың билігін нығайтып бергенін ұмытпау керек. Ресейді «Құдай қосқан көрші» деген Тоқаев тәуелділікті тереңдете түсті».

Басылым Путиннің сөзін келтіре отырып, Украинадағы жағдай Қазақстанның солтүстік облыстарына алаңдауын арттыра түседі деп жазады.