Тоқаев Путинмен Ауғанстандағы жағдайды талқылады

Владимир Путин Қазақстан Президенті Қасым-Жомарт Тоқаевпен телефон арқылы сөйлесті.

Бұл туралы Orda.kz хабарлайды.

– Душанбеде Ұжымдық қауіпсіздік туралы шарт ұйымы мен Шанхай ынтымақтастық ұйымының қамқорлығымен өтетін оқиғаларға байланысты Ауғанстандағы мәселе жан-жақты талқыланды. Сондай-ақ, екіжақты күн тәртібіндегі кейбір өзекті мәселелер қозғалды, оның ішінде коронавирус инфекциясына қарсы бірлескен әрекет бар, - деп хабарлады Кремльдің баспасөз қызметі.

Қасым-Жомарт Тоқаев 16-17 қыркүйекте Душанбеде ҰҚШҰ Ұжымдық қауіпсіздік кеңесінің сессиясына және Шанхай ынтымақтастық ұйымына мүше мемлекеттер басшылары кеңесінің отырысына қатысады. Сонымен қатар бірқатар шет мемлекеттердің басшыларымен екіжақты кездесулер жоспарланған.