Тоқаев Путинге пандемия кезіндегі көмегі үшін алғыс айтты

Президент Қасым-Жомарт Тоқаев Ресей президенті Владимир Путинге коронавирустық пандемия кезінде көрсеткен көмегі үшін алғыс айтты.

Бұл туралы Orda.kz хабарлайды.

– Пандемияның салдары әлі де сезілуде. Құрметті Владимир Владимирович, індет таралған кездегі біздің елге көрсеткен көмегіңіз үшін ризашылығымды білдіргім келеді, - деді Қазақстан Президенті Ресей мен Қазақстан арасындағы XVII өңіраралық ынтымақтастық форумында.

Мемлекет басшысының айтуынша, Ресей дәрі-дәрмектерді тегін жеткізіп, сынақ жүйелерін ұсынған және Қазақстан азаматтарын эвакуациялауға тиімді көмек көрсеткен.

– Бірнеше апта бойы ресейлік дәрігерлер ең қиын аймақтардағы қазақстандық әріптестерімен иық теңестіріп, өздерінің кәсіби міндеттерін абыроймен атқарып, тәжірибелері мен білімдерімен бөлісті, - деді Тоқаев