Тоқаев пен Ердоған үстел теннисін ойнады

Президент Қасым-Жомарт Тоқаев Түркия Президенті Режеп Тайып Ердоғанмен шағын құрамда келіссөз жүргізді.

Екі елдің басшылары саяси, сауда-экономикалық және мәдени-гуманитарлық салаларды кеңейтуге ерекше көңіл бөле отырып, қазақ-түрік стратегиялық серіктестігінің ауқымды мәселелерін талқылады.

Шағын құрамдағы кездесу соңында Тоқаев Түркия Президентін елімізге сапармен келуге шақырды. Режеп Тайып Ердоған өзінің шақыруын қабыл алып, Түркияға сапармен келгені үшін Қасым-Жомарт Тоқаевқа алғыс айтты.

Сонымен қатар бүгінгі ресми шаралардан кейін Қазақстан мен Түркия президенттері үстел теннисін ойнады.