Тоқаев не үшін ескертусіз оқ атуға бұйрық бергенін айтты

Қазақстан президенті Қасым-Жомарт Тоқаев қаңтар оқиғасынан кейін қазақстандық БАҚ өкілдеріне алғаш рет сұхбат берді. «Хабар 24» арнасының жүргізушісі, журналист Вера Захарчук президентке сұрақтар қойды.

Мемлекет басшысы тұңғыш президентпен келіссөздер, кадрлық өзгерістер, Мәскеумен қарым-қатынас, алдағы Парламент реформасы және т.б мәселелер туралы айтты.

– Бұл адамдар материалдық құндылықтарға қызықпаған. Олар әкімшілік ғимараттарға жасалған шабуылдарды басқарды. Олар қылмыстық істерге, құқық қорғау органдарының қызметкерлеріне қатысты құжаттарға қызығушылық танытты. Бұл мұқият жоспарланған. Сырттан келген содырларды тарта отырып, басқыншылық әрекет жасалды. Содырлардың әуежайды басып алу әрекетін ұйымдастырғанын байқаған боларсыздар. Қазір тергеу нәтижесі Орталық Азияның бір қаласынан келген азаматтардың әуежей арқылы өтуін қамтамасыз ету үшін басып алынғанын көрсетіп отыр. Олар - оқытылған жауынгерлер. Жұмысшы атын жамылып, шекара арқылы қалаға кіріп, операцияны басқарған, - деді Қасым-Жомарт Тоқаев.

Президент өзінің ескертусіз оқ атуға бұйрық беруі де туралы айтты.

– Құқық қорғау органдарының әрекетінің бірыңғай алгоритмі болмады. Басшылар жауапкершілікті алуға қорықты. Көпшілікке мәлімдеме жасамас бұрын да мен қарулы қарақшыларға ескертусіз оқ ату керектігін айттым. Жауапкершілікті өз мойныма алдым, - деді мемлекет басшысы.