Тоқаев Назарбаевты өкілеттіктен айыру туралы заңға қол қойды

Президент Қасым-Жомарт Тоқаев Нұрсұлтан Назарбаевтың ҚХА мен Қауіпсіздік кеңесіндегі өмір бойы төрағалығын жою туралы заңға қол қойды.

«Мемлекет басшысы «Қазақстан Республикасының кейбір заңнамалық актілеріне өзгерістер енгізу туралы» Қазақстан Республикасының Заңына қол қойды» делінген Ақорда жариялаған құжатта.

Заң бойынша Назарбаев қандай өкілеттіктен айрылды?

Мәжілісте «ҚР кейбір конституциялық заңдарына өзгерістер мен толықтырулар енгізу туралы» ҚР Заңының жобасы қаралды. Құжатта Нұрсұлтан Назарбаевтың ҚХА мен Қауіпсіздік кеңесіндегі өмір бойы төрағалығын жою туралы түзетулер бар. Бұл ретте заң жобасына Сенатта тағы да өзгерістер енгізілді. Атап айтқанда, сенаторлар Елбасымен мемлекеттік бастамаларды үйлестіру қажеттілігін жоюды ұсынды. Осыдан кейін заң жобасы мақұлдау үшін Мәжіліске қайтарылды. Бүгін Мәжіліс депутаттары Сенат енгізген түзетулерді қолдады.

Бұған дейін депутат Қанат Нұров атап өткендей, заң жобасында «Қазақстан Республикасының Тұңғыш Президенті – Елбасы туралы», «Қазақстан халқы Ассамблеясы туралы» және «ҚР Қауіпсіздік Кеңесі туралы» конституциялық заңдарға қажетті барлық түзетулер қамтылған.

Еске салсақ, Назарбаев Қауіпсіздік кеңесін өмір бойына басқару құқығын 2018 жылдың шілдесінде иемденді.

ҚР президенті Қасым-Жомарт Тоқаев Қауіпсіздік кеңесін 2022 жылғы 5 қаңтардан бастап басқарып отыр.