Тоқаев Назарбаев университетінің президентін қабылдады

Мемлекет басшысы Қасым-Жомарт Тоқаев Назарбаев Университетінің президенті Шигео Катсуды қабылдады.

«Мемлекет басшысы Назарбаев университетінің президенті Шигео Катсуды қабылдады. Қасым-Жомарт Тоқаев университеттің ағымдағы қызметі және алдағы кезеңге арналған жоспарлары туралы хабардар етті. Әңгімелесу барысында оқу және ғылыми-зерттеу жұмыстарының келешегі, түрлі салалардағы жаңа технологиялар мен инновацияларды дамыту мәселелеріне ерекше назар аударылды» делінген хабарламада.

Шигео Катсудың айтуынша, университет Қазақстандағы жоғары білімнің бәсекеге қабілеттілігін арттыруға үлес қосуға дайын және «оқу мекемесінің қызметі еліміздегі ұлттық экономика мен әлеуметтік саланы жаңғыртуға жәрдемдесуге бағытталған».

«Мемлекет басшысы жақын арада Назарбаев Университетіне бару ниетін растады. Қазақстан президенті Шигео Катсуды 70 жасқа толған мерейтойымен құттықтай отырып, оған жоғары кәсібилігі және Қазақстанның білім беру саласының игілігі жолындағы көп жылғы жемісті қызметі үшін алғысын білдірді» деп толықтырды Ақорда.