Тоқаев моноқалаларды дамыту бойынша жасалған жұмыстарды сынға алды

Моноқалаларда қанша қазақстандық тұрады? Қазақстан Республикасының Президенті Қасым-Жомарт Тоқаев ақпаратпен бөлісті.

Бұл туралы Orda.kz хабарлайды.

– Қазақстанда 89 қала бар. Оның 27-сі немесе 30 пайызы моноқалалар. Мұнда 1 миллион 400 мың адам тұрады. Бұл біздің халықтың 8 пайызын құрайды. Бүгінде моноқалалар экономикамыздың дамуына зор үлес қосуда. Олар өнеркәсіп өнімдерінің 40 пайызға жуығын өндіреді, – деді Тоқаев Екібастұзда моноқалаларды дамыту мәселелеріне арналған кеңесте.

Президент моноқалалардың ел экономикасына қосып жатқан үлесіне де тоқталды.

– Әсіресе моноқалалардың экономикасын әртараптандыру маңызды. Басқа салаларды дамытып, жаңа жұмыс орындарын ашу өте өзекті мәселе. Бізде әлі күнге дейін моноқалаларды дамыту бойынша нақты ұстаным мен ортақ пікір жоқ, - деді Қасым-Жомарт Тоқаев.