Тоқаев: мен үшін мемлекет мүддесі біреумен жақсы қарым-қатынастан жоғары

Бүгін 21 қаңтар күні Қазақстан президенті Қасым-Жомарт Тоқаев ірі бизнес-қауымдастық басшыларымен кездесу өткізді. ️

Қасым-Жомарт Тоқаевтың айтуынша, ол үшін мемлекет мүддесі достық қарым-қатынастан жоғары болып келеді.

– «Платон менің досым, бірақ шындық қымбатырақ» формуласы мен үшін маңызды екеніне бәрінің көздері жетті деп үміттенемін. Бұл барлық мәселелерге қатысты. Мен үшін мемлекеттің мүддесі біреумен жақсы қарым-қатынастан жоғары.

Егер бұл мемлекет үшін қажет болса, мен дайынмын. Мен өте қиын шешімдер қабылдадым. Мұндай шешімдерді мен болашақта да қабылдайтын боламын, – деді Тоқаев.

Сонымен қатар, мемлекет басшысы «Самұрық-Қазына» қоры жайлы сөз қозғады.

– Қазіргі таңда қор ауқымсыз құрылым болып отыр. Былайша айтқанда, ашық емес, саяси маңызы бар адамдарды тағайындау. Сатып алудың тиімсіз жүйесі, еңбек жанжалдары, шығындылық, ауқымды жобалардың аяқталмауы, күтіп-ұстауға шамадан тыс шығындар бар. Түйіні шешілмеген мсәлелер қоғамның наразылығын тудырады. Өйткені, біз осы уақытқа дейін нақты мұнай химиясын құра алмадық. Біз Кеңес заманында салынған зауыттарды жөндеудеміз.

Сонымен қатар, көршілес Өзбекстан 2-3 зауыт салып үлгерген. Директорлар кеңесінің рөлі және тәуелсіз директорлардың қатысуы көп жағдайда бейтарап. Қорды түбегейлі реформалау міндетін қоямын. Бұл туралы мен Сатқалиевпен сөйлестім. Реформалау міндетін атқара алмаса, онымен бірге қор да жойылады, – деп түйіндеді Қасым-Жомарт Тоқаев.