Президент Ұлттық құрылтай құру туралы жарлыққа қол қойды

Президент Қасым-Жомарт Тоқаев Қазақстан Республикасы президентінің жанынан Ұлттық құрылтай құру және Қазақстан Республикасы президентінің кейбір жарлықтарының күші жойылды деп тану туралы Жарлыққа қол қойды. Бұл туралы Ақорданың баспасөз қызметі хабарлады.

Мемлекет басшысы президент жанынан Ұлттық құрылтай құруды, ұлттық құрылтайдың ережесі мен құрамын бекітуді қаулы етті. Жарлық қол қойылған күнінен бастап қолданысқа енгізіледі (14 маусымда қол қойылды).

Ережеге сәйкес, Ұлттық құрылтай Қазақстан Республикасы президентінің жанындағы консультативтік-кеңесші орган болып табылады.

Ұлттық құрылтай қызметінің негізгі мақсаты қоғамдық бірігуді одан әрі дамыту бойынша идеялар мен қадамдар жасау.