Тоқаев Кореядағы ресми сапарын бастады

Мемлекет басшысы Қасым-Жомарт Тоқаевтың Кореядағы мемлекеттік сапары Көк үйдегі ресми рәсімнен басталды.

Бұл туралы Orda.kz Ақорданың баспасөз қызметіне сілтеме жасап хабарлайды.

Қазақстан президентін Оңтүстік Корея президенті Мун Чжэ Ин салтанатты түрде қарсы алып, құрмет көрсетті.

Қазақстан мен Оңтүстік Кореяның мемлекеттік әнұрандары орындалғаннан кейін, мемлекет басшылары Құрмет қарауылын бойлай өтіп, екі елдің туына тағзым етті және ресми делегациялардың құрамымен таныстырды.

Бұдан кейін Тоқаев құрметті қонақтар кітабына қолтаңба қалдырды.