Тоқаев ҰҚК-ны реформалау туралы жарлыққа қол қойды

Президент Қасым-Жомарт Тоқаев Ұлттық қауіпсіздік комитетін реформалау мәселелері жөніндегі Жарлыққа қол қойды.

ҰҚК сайтында хабарланғандай, 2022 жылғы 17 мамырда ел Президенті «Қазақстан Республикасы Ұлттық қауіпсіздік комитетінің кейбір мәселелері туралы» № 893 Жарлыққа қол қойды.

Құжатта Ұлттық қауіпсіздік органдарының қызметін жетілдіруді көздейтін президенттің 15 Жарлығына түзетулер енгізіледі.

– ҰҚК жаңартылған құрылымы бекітілді. ҰҚК - нің жекелеген мемлекеттік мекемелері қайта құрылды және оңтайландырылды, - делінген хабарламада.