Тоқаев елдегі жағдай бойынша кеңес өткізеді

Президент Қасым-Жомарт Тоқаев Жаңаөзен, Ақтау, Атырау, Ақтөбе және басқа да қалаларда болып жатқан жағдайға байланысты кеңес өткізеді.

«Ертең, 5 қаңтарда Мемлекет басшысы Қасым-Жомарт Тоқаев Үкімет мүшелерінің, Президент Әкімшілігі қызметкерлерінің және басқа да жауапты органдар өкілдерінің қатысуымен еліміздегі әлеуметтік-экономикалық жағдайға қатысты кеңес өткізеді» делінген президент баспасөз хатшысы Берік Уәлидің Facebook-те жариялаған хабарламасында.

Естеріңізге сала кетейік, жақында Жаңаөзен тұрғындары сұйытылған автомобиль газы бағасының 120 теңгеге көтерілгенінен кейін жаппай шеруге шықты. Президент Тоқаев жағдайды түсінуді тапсырды.