Тоқаев бойжеткенді итермек болған оққағардың қолын қақты

Президент Қасым-Жомарт Тоқаевтың Алматыдағы Наурыз мерекесіне арналған іс-шараға барған сәтінің тағы бір видеосы пайда болды.

Бейнежазба әлеуметтік желілерде лезде тарап кетті.

Видеодан мемлекет басшысының Алматыдағы Наурыз мерекесі кезінде алаңда жүрген сәтін көруге болады. Оны күзетшілері қоршап, бір топ адамның арасынан алып өтіп бара жатады. Сол кезде күзетшінің бірі бойжеткенді арқасынан итеріп жібереді. Президент оның қолын қағып, ескерту жасайды.

Видео желіде қызу талқыланып жатыр. Желі қолданушылары президенттің қарапайымдылығына тәнті болды.

Еске салсақ, президент Қасым-Жомарт Тоқаев бүгін Алматыда өткен мерекелік шараға қатысып, алматылықтарды Ұлыстың ұлы күнімен құттықтады.