Тоқаев: бастапқыдағы бейбіт шерулер қаңтар оқиғасына ұласты

Қазақстан президенті Ұлттық арнаға қазақ тілінде берген сұхбатында қаңтар айында болған қайғылы оқиға туралы айтты.

Қасым-Жомарт Тоқаевтың айтуынша, қасіретті қаңтар оқиғасына ұласқан шеру басында бейбіт болған.

«Бастапқыда әрине бейбіт шерулер болды. Мұны бәріміз көрдік. Еліміздің әр аймағында азаматтар алаңға жиналып, өз талаптарын айтты, наразылығын білдірді. Шынын айтсақ, ешқандай қирату, қылмыстық әрекет болған жоқ. Бірақ кейін жағдай мүлдем басқа арнаға бұрылып кетті. Арандатушылар мен қарақшылар пайда болды. Олардың мақсаты бейбіт митингіге қатысу болған жоқ. Олардың шынайы мақсаты – билікке шабуыл жасау болды», - деп атап өтті Президент.