Тоқаев Бас прокуратураға тапсырма берді

Президент Қасым-Жомарт Тоқаев Twitter парақшасында жазба жариялап, елдегі соңғы жағдайларды «Қасіретті қаңтар» оқиғалары деп бағалады. Сондай-ақ, түрлі құқықбұзушылық жасағаны үшін 2 мыңға жуық адам ұсталғанын мәлімдеді.

– «Қасіретті қаңтар» оқиғалары кезінде және төтенше жағдай енгізілгеннен кейін түрлі құқықбұзушылық жасағаны үшін 2 мыңға жуық адам ұсталды. Қылмыс жасаған адамдар заң бойынша жауапқа тартылады, - деп жазды мемлекет басшысы.

Тоқаев елдің Бас прокуратурасына адамдардың кінәсі қандай дәрежеде екенін анықтауды тапсырып, жауаптылықты ауырлататын мән-жай болмаса, жазаны жеңілдету үшін шара қабылдау керектігін айтты.

– Бас прокуратураға басқа адамдардың кінәсі қандай дәрежеде екенін анықтауды тапсырамын. Жауаптылықты ауырлататын мән-жай болмаса, жазаны жеңілдету үшін шара қабылдаған жөн, - деп жазды президент.

«Қасіретті қаңтар» оқиғалары кезінде және төтенше жағдай енгізілгеннен кейін түрлі құқықбұзушылық жасағаны үшін 2 мыңға жуық адам ұсталды. Қылмыс жасаған адамдар заң бойынша жауапқа тартылады.

— Qasym-Jomart Toqayev (@TokayevKZ) January 14, 2022