Тоқаев Қазақстаннан шығарылған ақшаны қайтару бойынша комиссия құрды

Президент Қасым-Жомарт Тоқаев Қазақстан азаматтарының шетелге заңсыз шығарылған қаражатын қайтару бойынша комиссия құрды. Бұл туралы Ақорданың баспасөз қызметі хабарлады.

– Президент Қасым-Жомарт Тоқаевтың жарлығымен Қазақстан азаматтарының шетелге заңсыз әкеткен қаражатын қайтару бойынша кешенді жұмыс жүргізу мақсатында Бас прокурор бастаған ведомствоаралық комиссия құрылды, - делінген хабарламада.

Айта кетейік, Қасым-Жомарт Тоқаев комиссия қызметіне жеке бақылауды жүзеге асыруға ниетті.