Тоқаев қазақстандықтарды сайлауда белсенді дауыс беруге шақырды

Twitter-дегі аккаунтында Қасым-Жомарт Тоқаев алдағы ауыл әкімдерін сайлау туралы мәлімдеме жасады.

Бұл туралы Orda.kzхабарлайды.

Президент қазақстандықтарды белсенді дауыс беруге шақырды.

— 25 шілде күні Қазақстанда алғаш рет ауыл әкімдерінің тікелей сайлауы өтеді. Бұл оқиға саяси жаңғырудың жаңа кезеңін білдіреді. Сайлаушыларды белсенді дауыс беруге шақырамын. Халықтың мүддесі үшін барлық қажетті өзгерістерді жүзеге асыру керек, - деп жазды Президент.

Еске сала кетейік, аудандық маңызы бар қалалардың, ауылдардың, кенттердің және ауылдық округтердің әкімдері қызметіне екі мыңнан астам адам тіркелген.