Тоқаев: Қазақстанда экономикалық өсімнен тек элиталық топтар ұтады

Қазақстан Президенті Қасымжомарт Тоқаев елдің экономикалық өсімінен шектеулі элиталық топ пайда табатынын, ал мемлекет пен қатардағы азаматтар үшін қайтарым өте төмен екенін мәлімдеді.

2020 жылы ұлттық табыс құрылымында ең жоғары үлесті бизнестің табысы алады - 61,5%, салықтардың үлесі - небәрі 7,3%, ал қазақстандықтардың жалақысы соның үштен біріне тиесілі.

– Біздің елде шектеулі элиталық топтар экономикалық өсуден пайда көре бастады, ал халықтың көпшілігінің табысы азая бастады немесе тоқырай бастады. Бұл біздің мемлекетіміздің қауіпсіздігіне елеулі қатер. Бұл қоғамның экономикалық, әлеуметтік, содан кейін саяси бөлінуіне әкелуі мүмкін және мұндай дағдарыстың алғашқы белгілері пайда болды, - деді Тоқаев кәсіпкерлермен кездесуде.

Тоқаев мұның ары қарай жалғаса беруі мүмкін еместігін айтты. Ол тәуелсіздік алғаннан бері бизнес үшін қолайлы жағдайлар жасалғанын еске салды. Кәсіпкерлік тапты қалыптастыру мемлекеттік саясаттың басты назарында болды. Бизнеске салықтық жеңілдіктер, преференциялар, қаржылық және қаржылық емес қолдау шаралары берілді.

– Экономикалық модель бизнестің дамуына жол беріңіз, ол жұмыс орындары мен кірістерді өзі жасайды деген сеніммен жұмыс істеді. Бірақ біз, күткен нәтижені толық көлемде ала алмадық. Бізде бүгін не бар? Ұлттық табыс құрылымында 2020 жылы ұлттық табыс құрылымында ең жоғары үлесті бизнестің табысы алады - 61,5%, салықтардың үлесі - небәрі 7,3%, ал қазақстандықтардың жалақысы соның үштен біріне тиесілі – 31%. Бұл өте аз, - деді Тоқаев.

Тоқаев бұған дейін Қазақстанның жаңа экономикалық саясатының негізгі қағидаттары: адал бәсекелестік, қабылданатын шешімдердің ашықтығы, мемлекеттік саясаттың болжамдылығы, бизнестің салықтық адалдығы, кәсіпкерлердің әлеуметтік жауапкершілігі болуы тиіс екенін мәлімдеген болатын.