Тоқаев Қазақстан халқы Ассамблеясы сессиясын шақырды

Президент Қасым-Жомарт Тоқаев Қазақстан халқы Ассамблеясының (бұдан әрі ҚХА) жиырма тоғызыншы сессиясын шақыру туралы бұйрыққа қол қойды, деп хабарлады Orda.kz.

ҚХА-ның ХХІХ сессиясы 28 сәуірде елордада Назарбаев орталығында «Бірліктің, бейбітшілік пен келісімнің 30 жылы» күн тәртібімен өтеді.

Қасым-Жомарт Тоқаев үкіметке ұйымдастыру шараларын қабылдауды тапсырды.

Қазақстан халқы Ассамблеясы – мемлекеттік ұлттық саясатты әзірлеуге және жүзеге асыруға ықпал ететін консультативтік-кеңесші орган. Ол 1995 жылы бұрынғы президент Нұрсұлтан Назарбаевтың бастамасымен құрылды. Елбасы өмір бойы ҚХА-ны басқаруға құқылы.

Еске салсақ, 11 қаңтарда ҚХА-ның 28-ші сессиясы өтті.