Тоқаев ауыл әкімдерін сайлауға қатысуға шақырды

Қасым-Жомарт Тоқаев ауыл әкімдерінің сайлауы туралы өзінің twitter парақшасында жазба қалдырды.

Бұл туралы Orda.kz хабарлайды.

Тоқаев ауыл әкімдерін сайлау кезінде халықтың белсенді дауыс беруін сұрады.

«25 шілде күні Қазақстанда алғаш рет ауыл әкімдерінің тікелей сайлауы өтеді. Бұл оқиға саяси жаңғырудың жаңа кезеңін білдіреді. Сайлаушыларды белсенді дауыс беруге шақырамын. Халықтың мүддесі үшін барлық қажетті өзгерістерді жүзеге асыру керек» делінген жазбада.

Еске сала кетейік, ауыл әкімдерін сайлау 2021 жылы алғаш рет өткізілмек. Ел бойынша 700-ден астам әкім сайланады. Ұлттық экономика министрлігінің дерегінше, сайлау өткізуге Орталық сайлау комиссиясы арқылы 4,8 миллиард теңге бөлінеді.