Тоқаев Алексей Цойға алғыс айтты

Мемлекет басшысы Қасым-Жомарт Тоқаев өз қызметінен кеткен денсаулық сақтау министрі Алексей Цойға алғысын білдірді.

Бұл туралы президент баспасөз хатшысы Берік Уәли өзінің Facebook парақшасында хабарлады.

«Президент Қасым-Жомарт Тоқаев бұрынғы Денсаулық сақтау министрі Алексей Цойға белсенді жұмыс істегені, әсіресе Қазақстанда коронавирус індетінің таралуына қарсы күресте атқарған еңбегі үшін алғыс білдірді» делінген хабарламада.

Президент Алексей Цой жұмысында, әсіресе Қазақстанда коронавирус індетінің таралуына қарсы күресті атап өтті.

Министрдің міндетін кім атқаратыны әзірге нақтылануда.

Естеріңізге сала кетейік, 20 желтоқсан күні таңертең мемлекет басшысы Қасым-Жомарт Тоқаевтың Жарлығымен Алексей Цой Денсаулық сақтау министрі қызметінен босатылды.

Денсаулық сақтау министрлігінің баспасөз қызметі хабарлағандай, Алексей Цой басқа қызметке ауысуына байланысты өз еркімен кетті.