Тоқаев АЭС туралы: Атомдық таза электр энергиясы қажет

Қазақстан президенті Қасым-Жомарт Тоқаев өзінің төрағалығымен өткен үкіметтің кеңейтілген отырысында атом электр стансасын салу қажеттігі туралы айтты.

– Біз электрмен жабдықтау жүйесінің жұмысында тұрақты іркілістерге тап болдық. Ең жарқын мысал-жақында елдің оңтүстігінде электр қуатының өшуі. Біз шектес мемлекеттердің энергия жүйесі жұмысының сапасына ішінара тәуелдіміз, - деді президент.

Ол елдің энергетикалық қауіпсіздігі мәселесін шұғыл шешу қажет екенін айтты.

– Неліктен жауапты тұлғалар атом стансасының құрылысы туралы сұрақтарға жауап беруден дипломатиялық түрде кетіп жатқанын түсінбеймін. Нақты айту керек: таза атом энергиясынсыз біз инвестициялар туралы айтпағанда, бүкіл экономикамызды жоғалтып аламыз, өңірлік көшбасшылығымызды жоғалтамыз, – деді мемлекет басшысы.

Тоқаев елге таза электр энергиясы қажет екенін түсіндірді.

– Бізге атомдық, таза электр энергиясы қажет. Егер біз экономикалық шындықты түсінбейтін популистер жетегінде кетер болсақ, атом энергетикасының маңыздылығын кәсіби түрде түсіндіру қажет, - деді Тоқаев.