Тоқаев қаңтар оқиғасында қаза тапқандарды еске алды
Елордадағы «Әзірет Сұлтан» мешітінде қаңтар оқиғасында қаза тапқандарды еске алу рәсімі өтті.
Қасым-Жомарт Тоқаев «Әзірет Сұлтан» мешітінде болып, қаңтар оқиғасында қаза тапқандарды еске алу рәсіміне қатысты. Қазақстан Президенті оқиғадан бері 40 күн өткенін еске салды.
Ақорданың хабарлауынша, Мемлекет басшысы еске алу дұғасын оқығаннан кейін сөйлеген сөзінде биыл халқымыз ауыр сынақтарға тап болғанын атап өтті.
— Мемлекеттің тұтастығына, азаматтардың қауіпсіздігіне, елдің болашағына қауіп төнді. Біз лаңкестердің бетін қайтарып, олардың шабуылын тойтардық. Өкінішке қарай, бұл аласапыран көптеген азаматтардың өмірін қиды. Бұл нағыз трагедия. Менің тапсырмам бойынша тиісті органдар осындай әрбір жағдайды жан-жақты тексереді. Мен үшін адам құқығын қорғау мәселесі өте маңызды. Болған келеңсіз оқиғалар бүкіл елді дүр сілкіндірді, - деді Тоқаев.
Ол оқиғаға байланысты Қазақстанда жалпыұлттық аза тұту күні жарияланғанын және 40 күн өткенін еске салды.
— Қайғылы оқиғадан бері 40 күн өтті. Мен мешітке қаза болғандардың рухына дұға бағыштау үшін келдім. Қайтыс болғандардың туыстары мен жақындарына тағы да көңіл айтамын. Мемлекет сіздерді қиындықта жалғыз қалдырмайды. Орны толмас шығынға ұшыраған отбасыларға материалдық көмек көрсетуді тапсырдым, – деді Мемлекет басшысы.
Тоқаев зардап шеккендерге «Қазақстан халқына» қоры да қайырымдылық көмек көрсететінін айтып, алдағы уақытта мұндай қайғылы оқиғаның алдын алу үшін барлығын жасайтынына сендірді.
— Біз халқымыздың бірлігі мен ынтымағын бұзуға жол бермейміз. Бұл мемлекеттің ғана емес, барша азаматтардың ортақ парызы. Мұндай қайғылы оқиға қайталанбауы керек!, - деді Мемлекет басшысы.
Қанды қаңтар 200-ден астам адамның өмірін қиды, жүздеген қазақстандық жараланды, екі мыңнан астам адам тұтқынға алынды. Митингтер Жаңаөзенде басталып, бірнеше күннен кейін талап қойылған шерулер бүкіл елде орын алып, соңы қиратулар мен тәртіпсіздіктерге ұласты.
Жаңалықтар
- Таразда 130 адамды алдаған алаяқтар тобы ұсталды
- Тәжікстанның СІМ ел азаматтарының Ресей Федерациясын шекарасын кесіп өтуіне қатысты проблемалар туралы хабарлады
- Мамыр айында қазақстандықтар қанша күн демалады?
- Тирандар психологиялық түзетуден өтуі керек
- Түркістан облысындағы шаруа қожалығының басшысы газ ұрлығы үшін сотталды
- Қазақстанда жұмыртқа бағасы тағы да өзгерді
- Алматыда қала құрылысы ережелерін жүзеге асырудың жаңа жоспары шілде айының соңына дейін аяқталады
- Жеке пайдалануға арналған тауарларды шетелден әкелу ережелерін МКК нақтылады
- Министр Аида Балаева Сөз бостандығын қорғау қорының президентімен фейктердің таралуын талқылады
- Қазақстанда әйелдердің уақытын неге жұмсайтынын есептеді
- Зағамбар ауылында кәмелетке толмаған қызды зорлау ісі бойынша полиция мәлімдеме жасады
- Қазақстандық балалар ауаның сапасын өлшей бастады
- Қазнетте әйелге қатысты зорлық-зомбылық түсірілімі пайда болды
- Ереван Тоқаевтың Бакумен бейбіт келіссөздер жүргізу туралы ұсынысын қарастырып жатыр
- Алаяқтыққа күдікті Ресейден экстрадицияланған
- Қазақстан мен Франция әуе апатын тергеу саласында ынтымақтасады
- Алматыдағы адам өліміне әкелген автобус апаты: сотталушы сотта көзіне жас алды
- «Болашақ ойындары» 2026 жылға шегерілді
- Грекиядан екінші дүниежүзілік соғысы кезіндегі бомбалар табылды
- Ақтөбеде үлескерлерді 2,5 млрд теңге алдап кетті