Тоқаевқа Петропавл ЖЭС-дағы жұмыс барысы баяндалды

Қасым-Жомарт Тоқаевқа Петропавл жылу электр стансасындағы (ЖЭС) жұмыс барысы туралы баяндалды, деп хабарлады Президенттің баспасөз хатшысы Берік Уәли.

«Бүгін таңертең Президент Қасым-Жомарт Тоқаев Солтүстік Қазақстан облысының әкімі Құмар Ақсақаловтың Петропавл ЖЭС-дағы тұрғын үйлер мен кеңселерде жылу берудің тоқтауына әкеп соқтырған апаттың салдарын жою жұмыстарының барысы туралы ақпаратын тыңдады» деп жазды Уәли әлеуметтік желідегі парақшасында.

Әкімнің айтуынша, жұмыс комиссиясы құрылып, оның құрамына әкімдіктің, Төтенше жағдайлар министрлігі мен басқа да құзырлы ведомстволардың қызметкерлері, сонымен қатар осы саланың жобалушылары  мен мамандары кіреді. Серіктестік басшысы – ЖЭО иесінің келуі күтілуде.

Президент облыс орталығы мен өзге де елді мекендердің тұрғындарын тез арада жылумен қамтуды тапсырды.