Тоқаевқа қастандық жасамақ  болған адам журналист емес

Жақында Нұр-Сұлтанда Қазақстан Республикасы президентіне қастандық жасамақшы  болды делінген шетелдік барлау агенті ұсталғаны белгілі. Жұртшылыққа оның журналист болып жұмыс істегені туралы қауесет тарады.

Дегенмен парламент сенатының төрағасы Мәулен Әшімбаевқа  ҰҚК бұл ақпаратты растамады.

Бұл туралы ол 7 сәуірде сенат отырысында мәлімдеді.

— Ондай ақпарат болғанын мен де білемін, ол Telegram арналарында жарияланған. Бірақ бұл ақпаратты әлі Ұлттық қауіпсіздік комитеті бізге осы шындық екен деп айтқан жоқ, - деді Әшімбаев.

Қасым-Жомарт Тоқаевқа қастандық жасамақ болды деген шетелдік барлау агенті ретінде күдікке ілінген Аян Атығаевтың ағасы Orda.kz сайтына оны әдейі арандатып отыруы мүмкін екенін айтты.