Президент Қасым-Жомарт Тоқаев 10 ұлттық жобаны мақұлдады. Сәйкес қаулы Ақорданың сайтында жарияланды.

Бұл туралы Orda.kz хабарлады.

Мемлекет басшысы 10 тармақтан тұратын ұлттық жобалар тізімін бекітті:

  1. «Дені сау ұлт» әрбір азамат үшін сапалы және қолжетімді денсаулық сақтау» ұлттық жобасы.
  2. «Білімді ұлт» сапалы білім беру» ұлттық жобасы.
  3. «Ұлттық рухани жаңғыру» ұлттық жобасы.
  4. «Цифрландыру, ғылым және инновациялар есебінен технологиялық серпіліс» ұлттық жобасы.
  5. Кәсіпкерлікті дамыту жөніндегі ұлттық жоба.
  6. «Қуатты өңірлер – ел дамуының драйвері» ұлттық жобасы.
  7. «Қазақстандықтардың әл-ауқатын арттыруға бағытталған орнықты экономикалық өсу» ұлттық жобасы.
  8. «Жасыл Қазақстан» ұлттық жобасы.
  9. Агроөнеркәсіптік кешенді дамыту жөніндегі ұлттық жоба.
  10. «Қауіпсіз ел» ұлттық жобасы.

Жарлықтың орындалуын бақылау президент әкімшілігіне жүктелген. Құжат қол қойылған күннен бастап күшіне енеді.

Еске салсақ, үкімет ұлттық жобаларды іске асыру экономиканың тұрақтылығы мен бәсекеге қабілеттілігін одан әрі арттырудың, қазақстандықтардың өмір сүру сапасын жақсартудың факторына айналатынын мәлімдеген. Қойылған міндеттерге қол жеткізу үшін бюджеттік қаражат пен жеке инвестициялар есебінен ұлттық жобаларды басым қаржыландыру қарастырылған.

Бөлісіңіз: