ТМД бақылаушылары Қазақстандағы сайлаудың жақсы ұйымдастырылғанын атап өтті

ТМД Парламентаралық Ассамблеясы Кеңесінің Бас хатшысы – Хатшылығының меңгерушісі Дмитрий Кобицкий Қазақстандағы сайлау барысына тоқталды.

Бас хатшы – ТМД Парламентаралық Ассамблеясы Кеңесі Хатшылығының меңгерушісі Дмитрий Кобицкий Қазақстандағы президенттік сайлаудың жақсы ұйымдастырушылық деңгейін атап өтті.

— Біз сайлау учаскелері ашылғаннан бері жұмыс істеп жатырмыз. Барлығы өте жақсы жүріп жатыр, жұмыс жақсы ұйымдастырылған, барлық сайттар уақытында ашылған. Қазақстанда 28 байқаушымыз жұмыс істейді, оның 16-сы елордада, - деді Кобицкий елордадағы № 118 сайлау учаскесінде болған кезде.

Оның айтуынша, бұл ұйымның бақылаушылары Астанада, елорданың жақын маңындағы елді мекендерде, сондай-ақ Алматы, Талдықорған және Қазақстанның басқа да аймақтарында жұмыс істейді.

Дмитрий Кобицкий хатшылықтың барлық өкілдері сайлау процесінің жақсы ұйымдастырылғанын және сайлау комиссияларының техникалық жағынан жақсы  жарақтандырылғанын атап өтті.

— Бұл бесінші сайлау учаскесі, бірақ дәстүрлі түрде біз 10-15 сайлау учаскесін аралаймыз. Біздің топтың әрбір мүшесі кем дегенде он учаскеге барады. Біз барған сайлау учаскелерінде бәрі өте жақсы ұйымдастырылған, сайлау комиссияларының мүшелері оқытылған, ұлттық байқаушылар процесті қалай қадағалап отыру керектігін, қандай заң бұзушылықтар болуы мүмкін екенін және оларды қалай түзету керектігін біледі және түсінеді. Қазіргі уақытта біз және ұлттық бақылаушылар бірде-бір заң бұзушылықты көрген жоқпыз, - деді Кобицкий.

Бұрын хабарланғандай, Астанада ЕҚЫҰ Демократиялық институттар және адам құқықтары жөніндегі бюросының (ДИАҚБ) сайлауды бақылау миссиясының бақылаушылары да жұмыс істейді. Миссия басшысы Урсула Гачек атап өткендей, бүгін ол және оның әріптестері жұмысқа таңертең ерте кірісті және оны сайлау учаскелері жабылған соң да жалғастырады.

ЕҚЫҰ/ДИАҚБ миссиясының барлық 300 бақылаушысы елордада, Алматыда, Шығыс Қазақстан облысында және Қазақстанның басқа аймақтарында сағат 06:30-да жұмысын бастады.

Еске салайық, Қазақстанда президенттік сайлау кезінде барлығы 10 101 сайлау учаскесі ашылды, сондай-ақ 53 елде 68 сайлау учаскесі жұмыс істейді.